Per la mia cara patria Sicilia

Nenti pari ca ti fa arripigghiari

ma sempri pi lu culu tannu a i’sari ?

Sti quattru surci ri mala campagna

ca s’aggruvigghiano e parunu tanti

ma su  sempri  li stissi ca manciugghianu ca’ e da’.

Cu tri ammi ti ficiru

e a la testa t’attaccaru, mancu fussi monca!

Forsi ti cummincisti di esseri strummula ?

Giri e ti firrii, arrimini arrimini e arrimini

cumminta ca lu munnu gira intornu  a tia

mancu fussi alchimista ca lu chiummu fa addiventa oru         :

ta’ quartiari mia cara patria Sicilia.

Pari c’assammazzassiru pi tia e lu to populu

ma sempre na’ pigghiata pi fissa na’risultò o sbagghiu ?

Chiddu ca tu ti scutti iddi su vivunu ! è veru o no ?

Sugnu orbu e un ci viu ma ti infilasti l’amici caru miu ?

U sa cara patria mia… io ca’ di tia sugnu l’usceri

mi chiuiu e mi rapu a’ putia,

e saggiu sugnu siddu te dire ca’ lu toru avi li corna

e la murtadella avi l’alivi,

nenti accattavu e ann’uddu accanusciu

sugnu bravu e la spisa la spartu pi passiuni

 ma lentu su un mi saluti dintra l’urna di lu putiri.

Ora la mia cara patria Sicilia

a nuatri s’arriprensentanu comu fussiru nuvelli

e nuatri i pivelli ra situazioni

comu si rici ne riuni chiù incogniti.

Camu a fari cu lu guvernu di sta terra ?

C’è u zu’ Nello ca pari ca rici verù

C’è chiddu di lu rosariu incensuratu

Lu pruniputi di lu Sturzu ca tantu t’osannaru

Poi ci su sti  furcunu ignuranti e li grilli e natra ciurma ri natanti.

Ma rimmi na cosa ma a mia chi mi trasi ?

Nenti  o figghiu miu mi ricissi tu fanga e fraricia

tu strummula ca’ firrii imbacanti mancu fussi morta ri fami

ma a mia la to putia mi pari china china china ca scoppia

ma forsi sugnu sempri orbu

ma caru zu’ nellu, caru zu’ ciccu ,  zu’ rosariu e cari zii r’america

ciatu scassatu i casciuna i pumaruru pun diri vastasati:

picchi mentri sta strummula firria partunu cristiani ca mancu li vidi chiù

ci su chiddi ca si schiantano l’unu cu l’avutru  e carunu comu pira

ci su chiddi ca s’impiccicanu pi fari contrappisu

ci su chiddi ca si schiantano ali mura tutti imbriachi cu tutti sti firriuna.

Ma lu vo capiri o la mia cara patria Sicilia

ca forsa sta strummula gira o cuntrario ?

O gira imbacanti  o un c’è posto pi tutti

o  forsi è ura ca ti isi u culu ra seggia e pirali

e vistu ca ha puru tri ammi

forsi putissi piralari pi dui? e ‘ghiri macari veloci comu ru cunigghia ?

Allura ma picchì un vo’ curriri ?

Li to’ problemi su no’ cori ca un’arricanusci ?

Ma o la mia cara patria Sicilia io ti ricu

ca imm ‘ntaru a disinfestazione e quannu li cammiu’ funzionanu

morunu tutti, zanzari e surci

liberi senza sti fastidi pari ca unn’afirassimu a starici.

Cu pratica o zoppu accumincia a zuppi chiari

e si ci tagghiamu li ammi a sti zurbiuna ri zoppi ?

Ma si iccamu non catu i munniza  lestu e bonu pa discarica ?

Ti pari tintu o mia casa patria Sicilia ?

Rimmi a matri ..quanto te dari ? Io ti paiu’ riciunu.

Ti rugni picciuli si sti cani ti li porti na lu recintu

inchiusi e marchiati comu fussiru na speci aliena

picchi mancu li porci li vonnu ne degni  di isari la bannera di stu populu sunnu,

ne mancu di populi chiù barbari di lu nostru.

Ta pozzu riri na cosa o mia cara patria Sicilia ?

Lassali futtiri e un tipigghiari

sti cristiani ca traffichianu na la pulitica, senti a mia traffichianu

lassali umpiddiri picchi nenti putissiru fari si chista fussi na giungla

iddi fussiru i cunigghia e nuatri i liuna pigghiati ru pitittu

ma siccumu semu no recintu nuatri facemi i arzuna e iddi patruna.

Ma u surci ci rissi a nuci rammu u tempu ca ti spirtusu

Viremu luned’ matina chi ci riciunu furcuna e grillini a li porci di la Sicilia.

Ora o’ finish mia cara patria Sicilia ti vogghiu riri na pochi i cosi ca un mi calanu

N’un mi cala la disoccupazioni cu li strati bucati e li alluviuna di li paisi

Nun mi cala la disoccupazioni cu li picciriddi malati senza badanti

Nun mi cala lu meritu pi lu titulu si lu titulu è accattatu

E nun mi cala ca lu titulu camina cu li picciuli.

Comu sta accuminciannu a capiri nun mi calanu na pochi i cosi.

Nun mi calano na pocu ri liggi ca riciuni ca aiu a paairi pi due  e tri voti

Tipo pi la machina, pi la casa e pi la salvezza di la vita ca riciunu supra sta naziuni cattolica

ca l’ha data lu Signuri eppuru arriva nu minchia cattolico ca la tagghia picchi un ci su li picciuli.

Ma lu signuri a iddu nun ci lu dici: ma tu…ma cu minchia si ?

Nun mi cala c’haiu a paari pi liggi l’assicurazioni senza chi la leggi talia quanto e comu mi fannu paari.

Picchi si travagghiu me moviri …o e moriri ?

Chistu e nu questitu insemula a chiddi ca virrannu ca lassu a lu presidenti chi verrà spirannu ca fussi cristianu  e non porcu comu chiddi ca unn’ivonnu lassari.

Cara mia patria Sicilia, si Bedda e Licca ca s’impiccicanu e sucanu comu zicchi.

Ode alla Sicilia!

-->